O'zbekistonda voleybol yanada rivojlantiriladi

Qarorga ko'ra, 2025 yildan boshlab, har yili Respublika hududida ananaviy tarzda quyidagi musobaqalar o'tkazib boriladi:

— oliy talim muassasalari talabalari, professional talim va umumiy o'rta talim muassasalari o'quvchilari o'rtasida "Volleyball Stars" O'zbekiston kubogi;

— vazirlik va idoralar xodimlari o'rtasida uch bosqichli (tuman (shahar) – viloyat – respublika) o'rtasida "Yangi O'zbekiston" respublika musobaqasi;

— umumiy o'rta talim muassasalari, yuqori sinf o'quvchilari o'rtasida uch bosqichli maktabgacha va maktab talimi vazirligi kubogi;

— nogironligi bo'lgan shaxslar o'rtasida para voleybol sport musobaqalari.

2025 yildan boshlab, har ikki yilda bir marotaba voleybol bo'yicha Markaziy Osiyo voleybol associaciyasi (CAVA)ga azo davlatlar o'rtasida "Buyuk Ipak yo'li" xalqaro turniri o'tkazib boriladi.

Namangan viloyatining Uchqo'rg'on tumani olimpiya va milliy sport turlari bo'yicha davlat ixtisoslashtirilgan maktab-internati voleybol sport turlariga ixtisoslashtirilgan davlat maktab-internati sifatida qayta tashkil etiladi.