O'zDJTSUda dual talim tizimi doirasida tadbir tashkil etildi

Jumladan, universitetning Milliy kurash turlari nazariyasi va uslubiyati kafedrasi talabalari uchun, xususan, belbog'li kurash yo'nalishda tahsil olayotgan talaba-yoshlarning amaliy mashg'ulot jarayonlariga O'zbekiston belbog'li kurash federaciyasi raisi, xalqaro toifadagi hakam Ravshan Dastirov taklif etildi. 

Kafedra professor-o'qituvchilari va talabalar ishtirok etgan ushbu amaliy mashg'ulotlarda Ravshan Dastirov milliy sport turimiz bo'lgan belbog'li kurashning rivojlanish tarixi va bugungi kunda federaciya tomonidan amalga oshirilayotgan ishlar xususida batafsil malumot berib o'tdi.

 SHuningdek, R. Dastirov tomonidan belbog'li kurash musobaqalarida ishlatiladigan hakamlik qoidalarini, belbog'li kurash usullarini amaliy misollar yordamida ko'rsatib o'tdi.

Takidlash joiz, mazkur milliy kurash turlari nazariyasi va uslubiyati kafedrasi hamda O'zbekiston belbog'li kurash federaciyasi o'rtasida hamkorlik memorandumi imzolangan bo'lib, bu borada ham qator loyihalar amalga oshirib kelinmoqda. 

Ilhom RAHMONOV tayyorladi