Paris Masters. Karen Xachanov final ostonasida to'xtatildi

Rossiyalik tennischi 1/2 finalda reytingda o'zidan uch pog'ona yuqorida borayotgan franciyalik Ugo Umberga 7/6, 4/6, 3/6 hisobida imkoniyatni boy berib qo'ydi. Ugo faoliyatida ilk bor ATP 1000 toifasiga kiruvchi turnir finaliga yo'l oldi. 

Tennischilarning o'zaro uchrashuvlaridagi hisob muvozanati tiklandi - 1:1. Ikki soatu 48 daqiqa davom etgan bahsda Xachanov 11, Umber 9 ta eys zarbasini amalga oshirdi. Bugun francuz tennischisi o'z vatandoshlari ko'z o'ngida dunyoning uchinchi raketkasi germaniyalik Aleksandr Zverevga qarshi bosh sovrin uchun kortga chiqadi.