Paris Masters. Rafael Nadalda kutilmagan mag'lubiyat

Ispaniyalik tennis yulduzi ATP reytingida 31-pog'onada borayotgan amerikalik Tommi Polga 6/3, 6/7(4), 1/6 hisobida imkoniyatni boy berib qo'ydi. Tennischilar kortda 2 soatu 34 daqiqa mobaynida harakat qilishgan. Bu ularning o'zaro o'tkazgan ikkinchi uchrashuvi edi - 1:1.  

Nadal 6 ta eys zarba yo'llab, 3 ta qo'shxatoga yo'l qo'ydi va shuncha breykni amalga oshirdi. Pol esa 4 ta eys, 2 ta qo'shxato va 5 ta breyk qayd etdi. Endi u Rolex Paris Masters turnirining uchinchi davrasida boshqa bir ispaniyalik tennischi Pablo Karreno-Bustaga qarshi kortga chiqadi.