Pep Gvardiola kechagi o'yindan so'ng Husanov haqida fikr bildirdi

"SHaharliklar" bosh murabbiyi Xosep Gvardiola kechagi uchrashuvdan so'ng markaziy himoyachilarni maqtadi.

"Ular nihoyatda yaxshi o'ynashdi. Abduqodir aqlbovar qilmas darajada harakat qildi. Uning uzun uzatmalari bizga ko'p yordam berdi. U butun maydonni boshqarib turdi. U hali ulg'ayadi. U ko'proq hujumlarni tashkil etishda ishtirok etishi lozim, bu esa faqatgina vaqt masalasi. U bugun eng yaxshi o'yinchi bo'ldi.

Maks ikki kun oldin keldi va kecha biz bilan atigi bittagina mashg'ulot o'tkazdi. Albatta, u ilgari biz bilan ko'p mashg'ulot o'tkazgan. Men "Uotford" va Xavi Garsiyaga minnatdorlik bildiraman, ular uning futbolchi sifatida o'sishiga yordam berishdi.

Afsuski, bugungi uchrashuvda g'alaba qozonmadik, biroq hali bizning zafarli yurishlarimiz oldinda", - deya fikr bildirdi murabbiy.