Qadimiy CHavgon o'yinimiz asosida shakllangan Polo sport turi bo'yicha ilk musobaqa bo'lib o'tdi

O'z qoidalari va ko'rinishi jihatidan ko'pkari va xokkeyga ham o'xshab ketadi. O'yinchilar – maxsus suvorilar otga minib, milliy chavandozlik kiyimlarida maydonga tushganlar. Ular ikki guruhdan iborat bo'lib, o'rtada chavgon to'pi talash bo'lgan. Har ikki tomondan 5-6 nafardan o'yinchi qatnashib, raqib darvozasiga kim qancha ko'p to'p kiritsa, o'yin so'ngida o'sha tomon g'olib topilgan.

Tarixiy manbalarga ko'ra: CHavgon o'yini Markaziy Osiyo xalqlari o'rtasida keng ommalashgan bo'lib, xususan yurtimiz hududida XI asrdan buyon mavjud. Bu haqda Firdavsiyning «SHohnoma» asarida qimmatli malumotlar bor. Jumladan, Siyovush bilan Afrosiyob o'rtalarida chavgon o'yini o'tkazilgani hikoya qilinadi.

Buyuk sarkarda Zahiriddin Muhammad Bobur Hindistonda bu o'yinning yuksak darajada rivojlanishiga sababchi bo'ldi. Natijada sportning bu turi u erdan Buyuk Britaniyaga ko'chdi, keyinchalik esa Evropa va Amerika qitalaridagi mamlakatlarga tarqaldi, hattoki olimpiada o'yinlari dasturiga ham kiritildi.

Malumotlarga ko'ra 1850 yilda Hindistonda xizmat qilayotgan ingliz otliq askarlari chavgon o'yiniga qiziqib qolishgan va dastlabki musobaqalarni o'tkazishgan. 1871 yilda Buyuk Britaniyada chavgon (polo) musobaqasi tashkil qilingan.

SHu tariqa chavgon oldin Evropa, keyin Amerika davlatlariga tarqalgan.

CHavgon 1900, 1904, 1920, 1924 va 1936 yillarda bo'lgan olimpiada o'yinlari dasturidan ham joy olgan. Zamonaviy chavgon o'yini hozirda polo deb ataladi.

O'zbekistonda ham mazkur sport turini keng rivojlantirish, xalqaro musobaqalarda yurtimiz sharafini munosib himoya qilish maqsadida joriy yilning boshida O'zbekiston Polo federaciyasi davlat ro'yxatidan o'tkazilgan edi.

Bugun poytaxtimizdagi “Universal jumping club” majmuasida polo sporti bo'yicha ilk musobaqa tashkil etildi.

Tantanali ochilish marosimidan so'ng maydonga «Temuriylar» va «Boburiylar» jamoalari kirib keldi.

Qizg'in va hayajonga boy bo'lgan bahslar yakunida g'olib jamoa nomi malum malum bo'ldi.

Andijonlik chavondondozlardan iborat Boburiylar jamoasi qashqadaryolik raqiblari Temuriylarni 6-5 hisobida mag'lub etishdi.