25 mar 15:29
Yangiliklar

Voleybol

Qarshida voleybol bo'yicha “Olimpiya cho'qqilari” musobaqasi bo'lib o'tmoqda

Qarshi olimpiya zaxiralari kollejida 2004-2005 hamda 2006 yillarda tug'ilgan va olimpiya zaxiralari kollejlarida tahsil olayotgan o'g'il bolalar va qizlar o'rtasida voleybol bo'yicha “Olimpiya cho'qqilari” O'zbekiston chempionati o'tkazilyapti.

Musobaqada Qoraqalpog'iston Respublikasi, Andijon, Farg'ona, Namangan, Sirdaryo, Navoiy, Qashqadaryo viloyatlaridan kelgan o'g'il bolalardan iborat 7 ta jamoa bellashayotgan bo'lsa, qizlar o'rtasida 4 ta jamoa (Andijon, Namangan, Sirdaryo, Xorazm) g'oliblik yo'lida bahslarga kirishgan.

"Olimpiya cho'qqilari"dan joy olgan mazkur chempionatning tantanali ochilish marosimi ham tashkil etildi. Bellashuvlar 26 martga qadar davom etadi.