Qarshida voleybol bo'yicha "Olimpiya cho'qqilari" musobaqasi g'oliblari aniqlandi

Musobaqada  Qoraqalpog'iston Respublikasi, Andijon, Farg'ona, Namangan, Sirdaryo, Navoiy, Qashqadaryo viloyatlaridan  tashrif buyurgan o'g'il bolalardan iborat 7 ta jamoa bellashishgan bo'lishsa, qizlar o'rtasida  4ta jamoa (Andijon, Namangan, Sirdaryo, Xorazm) g'oliblik uchun ishtirok etishdi.

"Olimpiya cho'qqilari"dan joy olgan mazkur chempionatning yakuniy natijalariga ko'ra, o'g'il bolalar o'rtasida Navoiy viloyati jamoasi barcha raqiblaridan ustun kelib, faxrli birinchi o'rinni egalladi. Ikkinchi o'rinni Sirdaryo jamoasi qo'lga kiritgan bo'lsa, uchinchi o'rin mezbonlarga nasib etdi.

Qizlar o'rtasida o'tgan bellashuvlarda andijonlik sportchi-o'quvchilar oltin medal sohibalariga aylanishgan bo'lishsa, kumush medalga xorazmlik qizlar ega chiqishdi. Uchinchi o'rin va bronza medallarni Namangan jamoasi qo'lga kiritishga muvaffaq bo'lishdi.

Ilhom RAHMONOV tayyorladi