Qayrat Eraliev Ahmadalievga qarshi jangdan so'ng nimalar dedi?

"Ahmadaliev yaxshi bokschi. U turnirga yaxshi tayyorgarlik bilan kelgandi. Ko'p narsa aynan jangga qanday tayyorgarlik bilan kelishga va vaziyatlardan foydalanib qolishga bog'liq. Bugun mening kunim edi.

Oldinda qiyin janglar kutib turibdi. Tayyorlanishda davom etamiz.

Jangda Ahmadalievdan yaxshiroq harakat qilishim kerak edi. O'ylagan rejalarim amalga oshganidan xursandman. Men bergan zarbalarim aniq manziliga etib bordi. Bu g'alabada murabbiylarimizning hissasi katta.

Birinchi raundda o'tkazib yuborgan zarbalarim? U o'ziga kerakli vaziyatni poyladi. Menimcha, u jang yakunida ko'p narsani hal qilmoqchi edi. Lekin, men bunga yo'l qo'ymadim", - deydi Eraliev.

Eslatib o'tamiz, kecha JCHda bo'lib o'tgan jangda Murodjon Ahmadaliev qozog'istonlik raqibiga imkoniyatni boy berib qo'ydi.