24 jan 11:34
Yangiliklar

Qilichbozlik

Qilichbozlarimiz sablya yo'nalishidagi Jahon kubogi bosqichida ishtirok etishyapti

Bolgariyaning Plovdiv shahrida qilichbozlikning sablya yo'nalishi bo'yicha Jahon kubogi bosqichi bo'lib o'tmoqda.

Dunyoning 39 davlatidan 400 nafardan ziyod sportchi ishtirok etayotgan mazkur musobaqada O'zbekiston terma jamoasi azolari ham qatnashmoqda.

Ortda qolgan kun ayollar o'rtasida saralash bahslari o'tkazildi. Unda hamyurtlarimizdan Fernanda Errera 1/32 final bosqichiga yo'l oldi. SHuningdek, musobaqaning saralangan 16 sportchisidan biri Zaynab Dayibekova ushbu bosqichdan medallar uchun kurashga qo'shiladi. Pley-off bahslari 26 yanvar kuni bo'lib o'tadi. Bugun kun davomida Musa Aymuratov, Islambek Abdazov va Zuhriddin Qodirov saralash bahslarida jang qilishi belgilab qo'yilgan.

SHuningdek, bugun Qatar mezbonlik qiladigan shpaga bo'yicha Gran-pri turniri ham start oladi. Unda dastlabki kun qizlar o'rtasidagi saralash bahslari o'tkaziladi.