Qilichbozlarimizning yig'ini davom etmoqda

Jumladan, shpaga va sablya yo'nalishlari bo'yicha terma jamoamiz Toshkent shahridagi «Umid» va rapirachilar esa Milliy qilichbozlik klubi zalida kuniga ikki mahaldan o'quv-mashg'ulotlar yig'inini o'tkazishmoqda.

O'zbekiston qilichbozlik federaciyasi matbuot xizmatining malum qilishicha, shifokor Sardor Sadikov sportchilarning sog'ligini doimiy ravishda nazorat qilib boryapti. Yig'inda barcha karantin qoidalariga rioya qilinmoqda.

- Mazkur yig'in oldinda bo'lib o'tadigan respublikamiz miqyosidagi musobaqalar hamda Osiyo va jahon chempionati, shuning jahon kubogi va boshqa xalqaro turnirlarga sifatli va puxta tayyorgarlik bosqichi vazifasini o'tab beradi - deydi qilichbozlik bo'yicha milliy terma jamoamizning sablya yo'nalishi bo'yicha murabbiyi Yorqin Yo'ldoshev. – Uzoq tanaffusdan so'ng tashkil etilgan ushbu yig'inda asosan qilichbozlarimizning jismoniy formasini tiklash va ularning psixologik holatlaridan kelib chiqib, g'alaba sari ruhlantirishga alohida etibor qaratilmoqda.

Mashg'ulotlarni kuzatar ekanmiz, sportchilarning murabbiylari ko'rsatmalarini alo kayfiyatda bajarayotganliklarini guvohi bo'ldik.

Malumot uchun, qilichbozlik bo'yicha o'quv-mashg'ulotlar yig'ini 31 oktyabrga qadar davom etadi.