Qilichbozlik. Meksikalik va rossiyalik legionerlar, o'zimizning qorako'zlar bugun qanday natija ko'rsatishdi?

Avvalroq, bugun musobaqada sablya bo'yicha ayollar o'rtasida bahslar o'tkazilayotgani, unda ishtirok etayotgan to'rt nafar hamyurtimiz saralash bosqichini muvaffaqiyatli o'tkazib, asosiy davraga yo'l olganliklari haqida xabar qilgandik. 

Afsuski, asosiy davra sportchilarimiz uchun muvaffaqiyatsiz kechdi. 

Qizlarimiz asosiy davradagi janglarni 1/64 finaldan boshlashdi. Zaynab Dayibekova ruminiyalik Bianka Paskuna 10:15 hisobida yutqazib qo'ydi. 

So'ngra Paola Pliego o'zining "sobiq hamyurti" hisoblangan meksikalik Natalia Botelloga qarshi jang qilib, 14:15 hisobida imkoniyatni boy berdi. 

Sevinch Ismoilova turkiyalik Irina SHuklaga 6:15 hisobida yutqazdi. 

Vanihoyat Rossiyadan tashrif buyurgan legioner sportchimiz Yana Obvinceva franciyalik Karolin Kueroliga qarshi jang qilib, 11:15 hisobida mag'lubiyatga uchradi. 

SHu tariqa, sablya bo'yicha yakkalik bahslarida qizlarimiz musobaqani yakunlashdi. 

Oldinda bizni jamoaviy bahslar kutmoqda. SHuningdek, shpaga bahslarida Malika Hakimova (18 iyul) va Oleg Sokolov (19 iyul) o'z ishtiroklarini davom ettirishadi.