12 jan 22:23
Yangiliklar

Qilichbozlik

Qilichbozlik. Paola Pliego va Yana Obvinceva Monreal Gran-Prisida qatnashdi

Kanadaning Monreal shahrida qilichbozlikning sablya yo'nalishi bo'yicha ayollar o'rtasida nufuzli Gran-Pri turniri bo'lib o'tdi.

Musobaqada O'zbekiston sharafini Paola Pliego hamda Yana Obvinceva himoya qildi.

Qizlarimiz pulka bahslarini muvaffaqiyatli o'tkazishdi va asosiy davraga yo'l olishdi. Paola Pliego asosiy bosqichni ikkinchi davrada franciyalik Sara Balzerga qarshi boshladi. Afsuski, ushbu jangda Paola 13:15 hisobida yutqazdi va musobaqadagi ishtirokini yakunladi.

Yana Obvinceva ham bahslarni ikkinchi davradan boshladi. Ushbu bosqichda vakilamiz britaniyalik Keytlin Maksvellga qarshi yo'lakchaga chiqdi va 10:15 hisobida yutqazdi.