Qilichbozlikni innovacion rivojlantirishga bag'ishlangan yirik xalqaro konferenciya o'tkazildi

Uning ishida Xalqaro qilichbozik federaciyasining masul xodimlari, Panamerika va Osiyo qilichbozlik konfederaciyalari, 24 davlat milliy qilichbozlik federaciyalari rahbarlari ishtirok etdi. 

Konferenciyada so'zga chiqqan Xalqaro qilichbozlik federaciyasi Ijroiya qo'mitasi azosi, Panamerika qilichbozlik konfederaciyasining prezidenti V.Logvin O'zbekiston rahbariyatining sportni, shu jumladan, qilichbozlik sportini rivojlantirishga qaratayotgan etiborini alohida takidladi. Mamlakatning barcha mintaqalarida yangi qilichbozlik zallari barpo etilmoqda, sportning ushbu turi bilan shug'ullanayotgan bolalar va o'smirlar soni ortib boryapti. Keyingi yillarda O'zbekistonda qilichbozlik bo'yicha xalqaro va mintaqaviy musobaqalar ham katta muvaffaqiyat bilan o'tkazilyapti. 

Markaziy Osiyo mamlakatlari, shu jumladan, O'zbekiston sportning ushbu turi bo'yicha xalqaro musobaqalarda katta muvaffaqiyatlarga erishishi uchun qilichbozlarni musobaqalarga tayyorlashning innovacion usullaridan keng foydalanish zarur. Ushbu zamonaviy texnologiyalar oliy sportni rivojlantirishda xal qiluvchi omillardan biridir. Jumladan, Panamerika qilichbozlik konfederaciyasi “Maktabdan – Olimpiya o'yinlariga” koncepciyasini ishlab chiqdi hamda qilichbozlik sportini ommalashtirish maqsadida faxriylar va bolalar o'rtasida jahon birinchiligini o'tkazish tashabbusini ilgari surdi. Ushbu tajriba Osiyo mamlakatlari milliy qilichbozlik federaciyalari uchun ham foydadan holi emas. 

O'zbekiston Milliy olimpiya qo'mitasi prezidenti, Markaziy Osiyo qilichbozlik konfederaciyasining raisi R.SHoabdurahmonov jamiyatda sog'lom turmush tarzini qaror toptirish, aholini, ayniqsa, yoshlarni sport bilan shug'ullanishga jalb etish sohasidagi tajribasi bilan o'rtoqlashdi. O'zbekiston Respublikasining Prezidenti SH.M.Mirziyoevning besh strategik tashabbusida mamlakatda jismoniy tarbiya va sportni rivojlantirish ikkinchi o'rinda turadi. Ushbu tashabbus doirasida har bir shahar va tuman markazlarida sport majmualari bunyod etilmoqda. Olimpiya sport markazini barpo etish ham rejalashtirilmoqda. O'zbekiston bolalar va o'smirlar o'rtasida Osiyo o'yinlari, shuningdek, kattalar o'rtasida yozgi Osiyo o'yinlariga mezbonlik qilish niyatida.

Xalqaro konferenciyada so'zga chiqqan professor Xuan Karlos qilichbozlarni musobaqalarga ruhiy tayyorlashga alohida etibor qaratdi. U hozirgi paytda sportchilar va trenerlardan doimo sportdagi innovacion yangiliklardan xabardor bo'lish va ularni samaralari qo'llash talab etilayotganiga urg'u berdi. Qilichbozlarning jismoniy va texnik-taktik tayyorgarligi nisbatan teng bo'lgan holatda ularni musobaqalarga ruhiy puxta tayyorlash muvaffaqiyatga erishishning hal qiluvchi omili hisoblanadi.