Qiziq! SHerzod Temirov 24 soat ichida ikkita o'yinda ishtirok etdi. Futbolchining o'zi vaziyatga izoh berdi

Hozirgi kunda Iroqning "Erbil" klubi safida to'p tepayotgan hamyurtimiz 24 soat ichida ikki uchrashuvda ishtirok etdi va o'ziga natijaga erishdi. Dastlab, 30-mart sanasida Toshkentda o'tkazilgan FIFA Series musobaqasi doirasidagi O'zbekiston - Venesuela (0:0) uchrashuvining 90-daqiqasida Eldor SHomurodov o'rniga maydonga tushib, penaltilar seriyasida o'z zarbasidan unumli foydalandi. Oradan bir kun o'tib, SHerzod Temirov Iroq Yulduzlar Ligasining 25-turidan o'rin olgan "Erbil" - "Al Zavraa" bahsining tanaffusida Kristofer Jon Poveyning o'rniga maydonga tushirildi va 45 daqiqa davomida maydonda harakatlandi. SHunday qilib, Temirov 24 soat davomida ikki bahsda ishtirok etishga ulgurdi. 

"Klubdagilar "Al Zavraa"ga qarshi uchrashuvda jamoaga yordam berishimni so'rashdi. Garchi oson bo'lmagan bo'lsa ham, klub ixtiyoriga etib kela oldim. Turkiya orqali uchdim. Jamoam mag'lubiyatga uchramadi. Jamoaga yordam bera olganimdan xursandman. Hayotda oson narsaning o'zi yo'q. Xohish bo'lsa barchasini uddalasa bo'ladi", - deya izoh berdi SHerzod Temirov.

Eslatib o'tamiz, Temirov joriy mavsumida Iroq Yulduzlar Ligasida 20ta gol bilan to'purarlar ro'yxatida etakchi bo'lib turibdi.