13 sen 11:25
Yangiliklar

Boks/MMA, Boshqalar, Kikboksing

Qo'l jangi. Jahon chempionatida umumjamoa hisobida birinchi bo'ldik

7-10 sentyabr kunlari Ruminiyaning Mejidiya shahrida qo'l jangi bo'yicha o'smirlar va yoshlar o'rtasidagi jahon chempionati bo'lib o'tdi.

Yilning ushbu nufuzli musobaqasida 14-15 hamda 16-17 yoshli sportchilar medallar uchun bahslarga kirishishdi. Qizlar o'rtasidagi musobaqa esa 16-17 yosh guruhida tashkil etildi.

Quvonarlisi, jahon chempionatida to'liq tarkibda ishtirok etgan qo'l jangi ustalarimiz yakunda umumjamoa hisobida birinchi o'rinni egallashdi. Rossiya terma jamoasi ikkinchi, qo'shni qozog'istonlik sportchilar uchinchi o'rinni band etishdi.

Bugun tongda O'zbekiston qo'l jangi terma jamoasi delegaciyasi Toshkentga qaytib keldi.