Qozog'iston o'zbekistonlik MMA jangchisini xalqaro qidiruvga berdi

Bu haqda Sports.kz Qozog'iston Respublikasi Moliyaviy monitoring agentligi matbuot xizmatiga tayanib xabar bermoqda.

«Diqqat, qidiruv!

Moliyaviy monitoring agentligi tomonidan xalqaro qidiruvga elon qilindi: Hikmatov Mahmud Umidovich, 19.02.2000 yilda tug'ilgan, O'zbekiston Respublikasi fuqarosi, “Maxa.dxb” taxallusi bilan tanilgan bloger.

Sud tomonidan unga nisbatan qamoqqa olish ehtiyot chorasi qo'llanilishi sankciyalangan. U noqonuniy internet-kazinoni targ'ib qilishda gumon qilinmoqda.

Qozog'iston Respublikasi hududida noqonuniy internet-kazino interfeysini taqdim etish, pul mablag'larini qabul qilish va to'lash (ekvayring, mobil tijorat, kriptovalyuta), shuningdek, mamlakat fuqarolari orasidan ko'proq o'yinchilarni jalb qilish maqsadida reklama tarqatish bo'yicha barqaror sxema faoliyat yuritgan.

Internet-kazinoni targ'ib qilish maqsadida tashkilotchilar bloger Hikmatov M. U.ni jalb qilgan. Unga Qozog'iston hududida faoliyat yurituvchi inflyuenserlarni reklama kontentini joylashtirishga jalb qilish vazifasi yuklatilgan.

Ushbu faoliyat doirasida Hikmatov M. U. blogerlardan ularning ijtimoiy tarmoqlaridagi statistik malumotlarni, jumladan, obunachilarning demografik va geografik ko'rsatkichlari, shuningdek, auditoriya qamrovi haqidagi malumotlarni so'ragan. SHu malumotlar asosida reklama xizmatlarining qiymati belgilangan.

Agar qidiruvdagi shaxsning qaerdaligi haqida biror malumotga ega bo'lsangiz, Moliyaviy monitoring agentligiga xabar berishingizni so'raymiz», — deyiladi Egov saytidagi xabarda.

Hikmatov Qozog'istonning Olmaota shahridagi RUH Fighting Championship (RFC) medialigasida jang qilgan.