Qozog'iston Pekindagi Olimpiadaga nechta licenziya qo'lga kiritdi?

SHunday ekan, birin-ketin Olimpiya o'yinlariga qaysi mamlakat nechta licenziya qo'lga kiritgani malum bo'lmoqda. 

17 yanvar kuni barcha saralash va reyting musobaqalari yakunlandi va Pekin Olimpiadasi uchun licenziyalarning aksariyati taqsimlandi. Qozog'iston sportchilari 8 ta sport turi bo'yicha 82 ta licenziyani qo'lga kiritishdi, deb xabar berdi Olympic.kz.

Qozog'iston terma jamoasi chang'i sportida 30 ta, fristaylda 9 ta (mogul yo'nalishida 5 ta, akrobatika bo'yicha 4 ta licenziya) licenziya qo'lga kiritdi. Ular konkida yugurish sport turida 12 ta, biatlonda ham shuncha licenziyaga ega. Yana 9 ta licenziya short-trek bo'yicha qo'lga kiritilgan. Qo'shnilarimiz tog' chang'isi va tramplindan sakrash bo'yicha 4 tadan licenziyaga ega chiqishdi, shuningdek, chang'i sportida ham ikkita licenziya bor.

Olimpiya terma jamoasining tarkibidan hozircha 32 nafar sportchi o'rin olgan. Bu yakuniy malumot emas. Qozog'iston MOQ biatlon, chang'i poygasi, fristaylning mogul va akrobatika turlari bo'yicha xalqaro federaciyalardan licenziyalarni qayta taqsimlash natijalarini kutmoqda. Olimpiada ishtirokchilarining to'liq ro'yxati 20 yanvardan keyin ommaga elon qilinadi.

Pekin-2022 qishki Olimpiya o'yinlari 4 fevral kuni boshlanadi. Ushbu Olimpiadada 109 ta medallar jamlanmasi o'ynaladi.

Eslatib o'tamiz, mamlakatimizdan Qishki Olimpiya o'yinlarida 1 nafar sportchi ishtirok etadi. Komil To'xtaev tog' chang'isi sport turida yurtimiz sharafini himoya qiladi.