Qozog'istonlik tennis malikasi Abu Dhabi Open g'olibasi + FOTO

Dunyoning beshinchi raketkasi bo'lib kelgan qozog'istonlik tennis malikasi hal qiluvchi final uchrashuvida WTA reytingida 14-o'rinni egallab turgan rossiyalik Darya Kasatkinani 6/1, 6/4 hisobida mag'lubiyatga uchratdi. Tennischilarning o'zaro uchrashuvlarida Elena hisobda oldinga chiqib oldi - 3:2.

Etmish bir daqiqa davom etgan bahsda Elena 3 ta eys va 6 ta breykni amalga oshirib, 2 ta qo'shxatoga yo'l qo'ydi. Mubadala Abu Dhabi Open turniridagi muvaffaqiyatli ishtirok Ribakinaga 500 reyting ochkosi hamda 142,000 dollar mukofot puli keltirdi. Bu qozog'istonlik tennischining faoliyatidagi ettinchi WTA sovrini bo'ldi.