20 okt 09:21
Yangiliklar

Boks/MMA

Qudratillo Abduqahhorov: “Yana bitta jangdan so'ng chempionlik oltin kamari uchun ringga chiqaman”

Professional boksning o'rta vazn (66.7 kg) toifasida WBC Silver chempionlik kamari sohibi Qudratillo Abduqahhorov 18 noyabr kuni AQSHning Nevada shtati Las-Vegas shahrida faoliyatidagi o'n uchinchi jangini o'tkazadi.

SHu kunlarda Qudratillo yana bir professional bokschimiz Azizbek Abdug'ofurov bilan birga bo'lajak jangiga tayyorgarlikni Filippin poytaxti Manila shahrida olib boryapti.

“Mashg'ulotimiz 15 noyabrga qadar davom etadi va shu kuni do'stim Azizbek bilan birga AQSHga jo'nab ketamiz. Mashg'ulotlarni murabbiyimiz Ilgar Aliev qo'l ostida o'tkazyapmiz. Ikkimizning jangimiz ham 18 noyabr kuni Las-Vegas shahrida bo'lib o'tadi.

SHu kunlarda bo'lajak jangdagi raqiblarimiz va jangning necha raund bo'lishiga oydinlik kiritiladi. Bu AQSH zaminidagi ilk jangim bo'ladi. Mana shu jangni g'alaba bilan yakunlab olsam, keyingisi chempionlik oltin kamari uchun kechadi”, - deya saytimizga intervyu berdi chempion bokschimiz.

Malumot uchun, Qudratillo Abduqahhorov bugungi kungacha 12 ta jang o'tkazgan va ularning barchasida g'alaba qozongan. Ushbu janglarning 8 tasida u raqiblarini nokautga uchratgan.

Havola :

Manba : olamsport.com

Reyting: +2