Ravshan Ermatov MOQ raisining birinchi o'rinbosari lavozimiga saylandi

Kun tartibidagi asosiy masala Milliy olimpiya qo'mitasi raisiga birinchi o'rinbosar saylashdan iborat edi, deb xabar qilmoqda Turizm va sport vazirligi rasmiy sayti. 

Yig'ilishda Milliy olimpiya qo'mitasi rahbariyati, sport turlari bo'yicha federaciya va associaciya xodimlari hamda ommaviy axborot vositalari xodimlari ishtirok etishdi.

Milliy olimpiya qo'mitasi raisining birinchi o'rinbosari lavozimiga Ermatov Ravshan Sayfuddinovich nomzodi ilgari surildi. Kengash azolari tomonidan R.Ermatov nomzodi bir ovozdan maqullandi va saylandi.

Eslatib o'tamiz, Ravshan Ermatov shu kunga qadar bir vaqtning o'zida Jismoniy tarbiya va sport vazirining birinchi o'rinbosari, O'zbekiston Futbol associaciyasi birinchi vice-prezidenti lavozimlarida ishlab kelayotgan edi.

Ravshan Sayfiddinovichga yangi boshlagan ish faoliyatlarida omad yor bo'lishini tilab qolamiz!

Avvalroq Olamsport.com sayti Ravshan Ermatov ushbu lavozimda ish boshlashi haqida xabar bergandi. Bugun ushbu malumot rasman tasdiqlandi.