Ribakina 1/2 finalda amaldagi chempionni taslim etdi

Yarim finalning markaziy uchrashuvi dunyoning birinchi va to'rtinchi raketkalari o'rtasida bo'lib o'tdi. Qozog'istonlik Elena Ribakina final chiptasi uchun kechgan bahsda sayyoramizning birinchi raqamli tennis malikasi, polshalik Iga Svyontekni mag'lub etishni uddaladi - 6/3, 4/6, 6/3.

Tennischilarning o'zaro uchrashuvlarida Elena etakchilik qilyapti - 4:2. Ikki soatu 51 daqiqa davom etgan bahsda Ribakina 10 ta eysni amalga oshirdi. Svyontek esa bironta ham eys zarba yo'llay olmadi. Qo'shxatolar Igada ko'proq bo'ldi 7 ga 5. Breyklar bo'yicha ustunlik qozog'istonlik tennischida - 4 ga 2.