Ribakina qozoqcha derbida ikkitalik matchboldan chiqib ketdi

CHorak finallarning birida qozog'istonlik ikki tennis malikasi Elena Ribakina va Yuliya Putinceva o'zaro to'qnash keldi. Dunyoning to'rtinchi raketkasi bo'lib turgan tajribali Ribakina WTA reytingida 46-pog'onadan joy olgan vatandoshi ustidan irodali g'alabaga erishdi - 4/6, 7/6(4), 7/5.

Ikki soatu 50 daqiqa davom etgan bahsda Elena ikkita matchboldan chiqib ketishga muvaffaq bo'ldi. Jamoadoshlarning o'zaro uchinchi uchrashuviga kelibgina Ribakina g'alaba qozondi. Bundan avvalgi har ikki uchrashuvda Yuliya zafar quchgandi.