Rio-2016. 5-kun. Sportchilarimizning bugungi ishtiroklari yakunlandi

02:45.SHu tariqa bugungi reportajimiz yakunlandi. Ertagacha!

2:39. FAZLIDDIN RAQIBINI TEXNIK NOKAUT EVAZIGA MAG'LUB ETDI! BARAKALLA!

02:33. Bokschimiz raqibini nokdaun holatiga tushirib qo'ydi. Ikkinchi raundda ham g'alaba.

02:30. Birinchi raund bokschimiz foydasiga!

02:22. Ringga bokschimiz va uning raqibi chiqib kelmoqda! Olg'a, Fazliddin! Gazni bos!

01:45. Yarim soatdan so'ng Fazliddin G'oibnazarov (-64 kg) kongolik Dival Malongaga qarshi jang o'tkazadi. Kutamiz!

01:30. Do'stmatovning yarim finaldagi raqibi amerikalik bokschi Niko Ernandes bo'ladi.

01:11. Ajoyib! HASANBOY DO'STMATOV PRINCIPIAL RAQIBINI MAG'LUBIYATGA UCHRATDI VA YARIM FINALGA YO'LLANMA OLDI!

01:08. Ikkinchi raund ham Hasanboy foydasiga hal bo'ldi.

01:04. Birinchi raundda hamyurtimiz g'olib! Yaxshi!

01:00. Boshladik!

00:58. Bokschilar ringga chiqib kelishmoqda! Do'stmatov qizil libosda, raqib bokschisi esa ko'k rangli liboslarda jang o'tkazadilar.

00:50. Agar bokschimiz bugun g'alaba qozonadigan bo'lsa uning yarim finaldagi raqibi ekvadorlik yoki amerikalik sportchi bo'ladi. 

00:40. Jang boshlanishiga 20 daqiqa qoldi!

23:30. 49 kg vazn toifasida ringga chiqadigan Do'stmatovning raqibi qozog'istonlik Birjan Jakipov bo'ladi. U ham g'alaba qozonsa yarim final yo'llanmasini qo'lga kiritadi.

22:20. Endi Hasanboy Do'stmatovning jangini kutamiz. Soat 01:00 da!

22:12. U endi yarim finalda rossiyalik bokschiga qarshi jang qiladi!

22:05. YAXSHIIII! RUSTAM TO'LAGANOV G'ALABA QOZONDI!

22:01. Ikkinchi raund esa Rustamning foydasiga xal bo'ldi! Yaxshi!

21:57. Birinchi raundda ustunlik raqib tomonda...

21:53. Jang boshlandi! U bugun qizil libosda ringda harakat qilmoqda

21:51. Diqqat qiling, ringga hamyurtimiz Rustam To'laganov chiqib kelmoqda. U bugun ozarbayjonlik sportchiga qarshi jang qiladi.

21:50. Rossiyalik bokschi raqibini mag'lub etib keyingi bosqichga chiqdi. Navbat bizga! Olg'a, Rustam!

21:44. Rossiyalik va italiyalik bokschilarning jangi bo'lib o'tmoqda. SHundan so'ng hamyurtimiz ringga ko'tariladi.

21:30. Ayni paytda ringda xorvatiyalik hamda braziliyalik bokschilar jang olib borishmoqda. Ushbu bahsni o'zbekistonlik referi boshqarib bormoqda. Birozdan so'ng Rustam To'laganovning jangi bo'lib o'tadi.

21:15. To'laganovning ringga chiqishiga oz vaqt qolmoqda! 

19:15. Endi soat 21:45 da bokschilarimiz bugungi ishtiroklarini boshlashadi. Unda -91 kg vazn toifasida jang qiladigan sportchimiz Rustam To'laganov Ozarbayjonlik bokschiga qarshi ringga ko'tariladi. Kutamiz!

19:10. Afsuski SHerali Jo'raev ham ippon bahosi bilan imkoniyatni boy berdi...

19:06. SHerali Jo'raev ikkinchi jangini boshlamoqda.

18:55. Yana taxminan 15 daqiqalardan so'ng SHerali Jo'raev ikkinchi jangini o'tkazadi.

18:44. Bu orada akademik eshkak eshuvchimiz SHahboz Xolmurzaevning chiqishi qoldirildi. Kuchli shamol tufayli. Hozircha ushbu bahslar qachon bo'lishi nomalum.

18:33. Afsuski, Gulnoza polshalik raqibiga imkoniyatni boy berib qo'ydi. Ogohlantirish hisobiga u ushbu bosqichda qolib ketdi...

18:22. Gulnoza Matniyozova tatamiga chiqib kelmoqda! Malumot uchun, Gulnoza bugun tavallud ayyomini nishonlamoqda! 22 yosh!

18:07. SHerali Jo'raev ogohlantirishlar evaziga raqibidan ustun keldi va keyingi bosqichga yo'llanmani qo'lga kiritdi. U keyingi bosqichda shveciyalik Markus Neymanga qarshi jang qiladi.

17:55. Gulnoza Matniyozova esa polshalik Klays Katarzinaga qarshi tatamiga chiqadi.

17:38. Sportchilarimizdan birinchi bo'lib dzyudochi SHerali Jo'raev bahslarga kirishadi. Sportchimizning jazoirlik sportchiga qarshi jangi Olimpiadada bugungi dzyudo bahslariga start beradi.

17:35. Bugun quyidagi sportchilarimiz O'zbekiston sharafini himoya qiladilar.

SHerali Jo'raev - (Dzyudo, -90 kg vazn toifasida, birinchi bosqichdan boshlab - finalgacha) - 18:00 dan keyin

Gulnoza Matniyozova - (Dzyudo, -70 kg vazn toifasida, birinchi bosqichdan boshlab - finalgacha) - 18:00 dan keyin

SHahboz Xolmurzaev - (Akademik eshkak eshish, 13-24 - o'rinlar uchun, 2000 metr) - 19:10

Rustam To'laganov - (Boks, -91 kg vazn toifasida, chorak final) - 21:45

Hasanboy Do'stmatov - (Boks, -49 kg vazn toifasida, chorak final) - 01:00

Fazliddin G'oibnazarov - (Boks, -64 kg vazn toifasida, 1/16 final) - 02:15

17:30. Assalomu alaykum sport ishqibozlari. Bugun Olimpiadada ishtirok etadigan sportchilarimizning bahslaridan matnli translyaciyani boshlaymiz.