30 mar 18:04
Yangiliklar

Olimpiya o'yinlari

Rio-2016 va Lozanna-2020 Olimpiadalarini qabul qilgan stadionlar bemorlarni o'z bag'riga oldi

Futbol bo'yicha tarixiy o'yinlarni qabul qilgan, Rio-2016 Olimpiya va Paralimpiya o'yinlarining ochilish va yopilish marosimlarini qabul qilgan Braziliyadagi afsonaviy “Marakana” stadioni ushbu mamlakatdagi koronavirus kasalligiga chalingan bemorlarga boshpana bo'lmoqda.

Ayni paytda Braziliyada 3500 nafarga yaqin inson koronavirusga chalingan bo'lib, ulardan 93 nafari hayotdan ko'z yumgan. SHuningdek, ushbu mamlakatning katta shaharlaridagi yirik stadionlar ham bemorlarni qabul qiladigan maskanga aylandi.

Ayni paytda Evropada ham vaziyat tobora jiddiylashib bormoqda. SHveycariya esa ushbu qitaning epidemiya o'chog'iga aylangan maskanlaridan biri. Yil boshida uchinchi o'smirlar qishki Olimpiya o'yinlariga mezbonlik qilgan SHveycariyadagi atletlar shaharchasi ham hozirda virus bilan kasallangan bemorlarni qabul qilmoqda. Ushbu maskan 450 bemorga mo'ljallangan. Butun mamlakatda esa 13 mingdan ortiq insonda virus alomatlari aniqlangan.