Robert Uittaker CHimaev bilan jangi bekor bo'lganiga munosabat bildirdi

SHuningdek, u rossiyalik Ikram Aliskerovni qisqa muddatda jangni qabul qilgani uchun minnatdorlik bildirdi. 

"Xamzatning betob bo'lib qolgani yoki jarohat olgani haqida hech qanday gap-so'z yo'q edi. Bu haqda qandaydir uzunquloq gaplar ham eshitmagandim. To'satdan Xamzat safdan chiqdi degan xabar eshitdim. Albatta, bundan xafa bo'ldim. CHunki bu jang uchun uch vaqt sarflagandim. Jangga aniq reja asosida, raqibning tana tuzilishi, jang olib borish uslubiga qarab tayyorgarlik ko'rgandim. CHimaev aksariyat jangchilarga o'xshab tik turgan holatda jang o'tkazmaydi va shundan kelib chiqib, kurash usullari ustida ishlagandik. Men markaziy jang ishtirokchisi ekanimni his qilgan holda bu jangga munosabat bildirgandim. Nachora, shunday bo'lishi kerak ekan. Yana bir bor Ikramning oldiga shlyapamni echaman. Bu qisqa fursatda hech kim jangga rozi bo'lmasdi", - dedi Uittaker. 

Eslatib o'tamiz, Xamzat CHimaev surunkali betobligi sabab shifoxonaga joylashtirilgandi. Endi Robert Uittaker va Ikram Aliskerov o'rtasidagi jang 22 iyun kuni Ar-Riyod shahrida bo'lib o'tadi. Ushbu jang UFC on ABC 6 oqshomining markaziy bahsi bo'ladi.