25 sen 19:18
Yangiliklar

Tennis

Rojer Federer faoliyatidagi eng yaxshi o'yini va eng alamli mag'lubiyati qaysi ekanligini aytdi

Teglar : Rojer Federer

Katta Dubulg'a turkumiga kiruvchi turnirlarning 20 karra chempioni shveycariyalik Rojer Federer qaysi o'yinni o'zi uchun eng yaxshi va qaysi mag'lubiyat o'zi uchun eng ranjitadigani deb bilishi haqida gapirdi.

U 2004 yilgi US Open finalida Lleyton Xyuittni 6:0, 7:6 (7:3), 6:0 hisobida mag'lub etganini va 2008 yilgi "Uimbldon" finalida Rafael Nadalga 4:6, 4:6, 7:6 (7:5), 7:6 (10:8), 7:9 hisobida yutqazganini esladi.

“Men uchun Lleyton Xyuittga qarshi AQSH Ochiq chempionatining finali o'zgacha bo'lgandi, unda 6:0, 7:6, 6:0 hisobida g'alaba qozongandim. «Katta Dubulg'a» finalida bunday bo'lmaydi – siz birinchi setda uchasiz, ikkinchisida o'zingizni yo'qotib qo'yasiz, uchinchisida esa yana ustunlik qilasiz.

Men uchun o'sha o'yin ideali bo'lgan. Men dunyoning cho'qqisida edim, birinchi raketkaga aylandim va bunga loyiq ekanligimni isbotladim. Yana men juda hurmat qiladigan tennischi bilan o'yinda.

Eng ranjitadigan mag'lubiyat? Ehtimol, "Uimbldon - 2008". Rafa bilan o'yinda hammasi qorong'ulikda tugagandek bo'ldi. Juda ko'p narsa xavf ostida edi. G'olibni aniqlash kerak edi. Va vaziyat uning foydasiga hal bo'ldi. O'sha paytda yuragim ezilib ketdi", - deya Federerning so'zlarini keltiradi Eurosport.