27 may 12:47
Yangiliklar

Tennis

"Rolan Garros". Dunyoning 10-raketkasi ham boshladi

Franciya poytaxti Parij shahri mezbonlik qilayotgan tennis bo'yicha "Katta Dubulg'a" turkumiga kiruvchi "Rolan Garros" turnirida birinchi davra uchrashuvlari o'tkazilyapti.

Dunyoning 10-raketkasi Elena Ostapenko Franciya Ochiq chempionatining ilk bosqichida WTA reytingida 67-pog'onada borayotgan ruminiyalik Jaklin Kristianni biroz qiyinchilik bilan mag'lubiyatga uchratdi - 6/4, 7/5. Bu bilan latviyalik tennis malikasi o'zaro uchrashuvlardagi hisob muvozanatini tiklab qo'ydi.

96 daqiqalik uchrashuv statistikasi:

Elena Ostapenko - 2 ta eys, 6 ta qo'shxato, 5 ta breyk

Jaklin Kristian - 1 ta eys, 2 ta qo'shxato, 3 ta breyk

Endi Elena Ostapenko "Rolan Garros" turnirining ikkinchi davrasida Klara Tausonga qarshi kortga chiqadi. Daniyalik bu tennischi birinchi bosqichda germaniyalik Tatyana Mariyadan 6/2, 6/3 hisobida ustun keldi.