29 may 13:42
Yangiliklar

Tennis

"Rolan Garros". Elena Ribakina g'alaba bilan boshladi

Dunyoning to'rtinchi raketkasi Elena Ribakina Franciya Ochiq chempionatidagi yurishini boshlab oldi.

Qozog'istonlik tennis malikasi ilk davrada WTA reytingida 85-pog'onada borayotgan belgiyalik Grit Minnendan ortiqcha qiyinchiliksiz ustun keldi - 6/2, 6/3. Tennischilarning o'zaro uchrashuvlaridagi hisob yiriklashdi - 3:0.

Etmish to'rt daqiqa davom etgan bahsda Ribakina 5, Minnen 3 ta eys zarbasini amalga oshirgan. Endi Ribakina French Open turnirining ikkinchi davrasida niderlandiyalik Aranta Rusga qarshi kortga chiqadi. Rus o'z o'rnida germaniyalik Anjelik Kerberni mag'lubiyatga uchratdi - 6/4, 6/3.