Ronaldu Luis Diasni “Al Nassr”da ko'rishni istamoqda - klub 100 million evro berishga tayyor

Ispaniyaning Sport.es nashri malum qilishicha, Ronaldu "Liverpul" hujumchisi Luis Diasning jamoaga qo'shilishini xohlamoqda.

Manbaga ko'ra, Krishtianu kolumbiyalik vingerni qanotdagi o'yinlarini ko'rib, uning o'zini golli vaziyatlar bilan taminlashini istamoqda. Saudiya Arabistoni klubi "Liverpul" talab qilgan 100 million evro miqdoridagi tovon pulini to'lashga tayyor.

Avvalroq "mersisaydliklar" Luis Dias uchun "Bavariya" tomonidan taklif qilingan 67,4 millionni rad etgan edi.

Eslatib o'tamiz, o'tgan mavsumda 27 yoshli Dias barcha musobaqalarda 50 ta uchrashuvda qatnashib, 17 ta gol va 8 ta assistga mualliflik qilgan. Uning "Liverpul" bilan amaldagi shartnomasi 2027 yilning yozigacha amal qiladi.