Ronalduning "Al Nassr" bilan shartnomasida dang'illama uyda yashash, Portugaliya va Ispaniyaga parvoz qilish uchun samolyot ajratilishi ko'rsatilgan

Yiliga 90 million dollarlik maosh, homiylik va tijorat shartnomalari bilan 200 million dollargacha etishi mumkin bo'lgan maoshdan tashqari Saudiya Arabistoni klubi portugaliyalikka bir qancha qulayliklar yaratib berdi.

"Marca" xabariga ko'ra, 37 yoshli futbolchining bitimida hashamatli uyda istiqomat qilish, Portugaliya va Ispaniyaga parvozlar uchun samolyot, shuningdek, Ronaldu va uning oilasi barcha ehtiyojlariga etiborni kuchaytirish keltirilgan.

Oldinroq "Al Nassr" Ronaldu nomi tushirilgan barcha liboslarni bir soat ichida sotib bo'lgani malum qilingan edi.