23 iyu 14:55
Yangiliklar

Voleybol

Rossiyalik voleybolchi qizlar JCH finaliga chiqishdi

Voleybol bo'yicha Rossiya ayollar terma jamoasi Meksikada o'tkazilayotgan 20 yoshgacha bo'lgan voleybolchilar o'rtasidagi Jahon chempionatining finaliga chiqdi.

Ular yarim final uchrashuvida yaponiyalik dugonalarini 5 set natijasiga ko'ra - 3:2 (32:30, 25:19, 23:25, 23:25, 15:12) hisobida mag'lub etishdi. Rossiyaliklar safida 23 ochko jamg'argan Angelina Lazarenko uchrashuvning eng yaxshi o'yinchisi deb topildi.

Bugun Vadim Pankov shogirdlari hal qiluvchi final uchrashuvida Xitoy terma jamoasiga qarshi bahs olib borishadi. Xitoyliklar yarim finalda Turkiya terma jamoasidan ustun kelishdi.