Rothesay Classic. Ostapenko chempionligini himoya qila olmadi

Musobaqaning amaldagi chempioni Elena Ostapenko kutilmaganda ilk davradayoq mag'lubiyatga uchradi. Latviyalik tennis malikasi birinchi bosqich uchrashuvida WTA 44-pog'onada borayotgan italiyalik Elizabetta Kochchiarettoga ikki setda ham bir xil hisobda yutqazib qo'ydi - 3/6, 3/6.

Bu tennischilarning o'zaro o'tkazgan ilk uchrashuvi edi. Bir yuz ikki daqiqa davom etgan bahsda ikkala tennischi ham 5 tadan eys zarbasini amalga oshirgan. Dunyoning 13-raketkasiga yo'l qo'yilgan 9 ta qo'shxato ham qimmatga tushdi. Kochchiaretto 4 ta breykka erishdi. Endi u Rothesay Classic ikkinchi davrasida amerikalik Sloan Stivensga qarshi kortga chiqadi.