26 iyu 08:38
Yangiliklar

Tennis

Rothesay International. Emma Radukanu g'alaba bilan boshladi

Buyuk Britaniyaning Istburn shahrida tennis bo'yicha maysa qoplamali turnir bo'lib o'tmoqda.

Mezbonlar vakilasi Emma Radukanu o'z vatanidagi turnirni g'alaba bilan boshlab oldi. WTA reytingida 168-pog'onada borayotgan Emma dunyoning 45-raketkasi bo'lib turgan amerikalik Sloan Stivensga 4 tagina geym yutib olish imkonini berdi, xolos - 6/4, 6/0.

Tennischilarning o'zaro ikkinchi uchrashuvida ham Radukanu g'alaba qozondi. Etmish etti daqiqa davom etgan bahsda Emma 5 ta eys, 6 ta breykni amalga oshirib, 2 ta qo'shxatoga yo'l qo'ydi. Endi u Rothesay International 1/8 finalida amerikalik Jessika Pegulaga qarshi kortga chiqadi.