30 sen 13:49
Yangiliklar

Tennis

Rune mezbon tennischiga qarshi bahsda matchboldan chiqib ketdi

Yaponiya poytaxti Tokio shahrida tennis bo'yicha nufuzli ATP turniri davom etmoqda.

Dunyoning 14-raketkasi bo'lib turgan Xolger Rune Kinoshita Group Japan Open Tennis Championships turnirining yarim finaliga yo'l oldi. Daniyalik tennischi 2 soatu 15 daqiqa davom etgan 1/4 final bahsida ATP reytingida roppa-rosa 200-pog'onada borayotgan yaponiyalik Kei Nishikorini mag'lubiyatga uchratdi - 3/6, 6/2, 7/5.

Bu tennischilarning o'zaro o'tkazgan ilk uchrashuvi bo'ldi. Rune 6, Nishikori 1 ta eys zarbasini amalga oshirgan. Ikkala tennischi ham qo'shxatoga yo'l qo'ymadi. Breyklar bo'yicha ustunlik daniyalik tomonda bo'ldi - 4 ga 2. Hal qiluvchi uchinchi setda, hisob 3/5 ko'rinishida bo'lib turgan Xolger matchboldan chiqib ketdi.