Sabina Altinbekova Italiya klubini tark etdimi?

Sabina BAAdan ketgach Italiyaning "Volalto Kazerti" jamoasi bilan shartnoma imzolagan edi. Altinbekova Instagram sahifasida klubidagi muammolarga to'xtalib o'tdi. 

"Vizalar tayyor, chiptalar buyurtma qilingan, mashg'ulot yig'ini bizni kutayotgandi. Afsuski, "Kazerta"ni liga o'yinlarida qatnashishiga ruxsat berishmadi. Jamoam mavsumda ishtirok etmasligidan juda afsusdaman. Omad tilayman! Men va mening jamoam boshqa variantlarni o'rganishni boshladik. Hammaga rahmat!", - deya fikr qoldirgan Sabina.

Eslatib o'tamiz, Sabina Altinbekova 4 iyul kuni Italiya klubi bilan ikki yillik shartnoma imzolagan edi. "Kazerta" Italiyaning asosiy ayollar voleybol ligasi - Seriya A1 chempionatida mavsumni boshlashi kerak edi. O'tgan mavsumda "Volalto Kazerta" so'nggi 14-o'rinni egallab turgandi. Lekin koronavirus pandemiyasi sabab chempionat muddatidan avval yakunlangan va bu bilan klub quyi ligaga tushib ketishdan qutulib qolgandi.