Sanjar Rahmonov AQSHda navbatdagi jangini o'tkazdi

Ushbu boks oqshomi AQSHning Kaliforniya shtati Temekula shahridagi Pechanga Resort & Casino arenasida bo'lib o'tdi. Sakkiz raundga mo'ljallangan jangda hamyurtimiz raqibi Xose Marrufoni ochkolar hisobiga ko'ra engdi.

Malumot uchun, Marrufo 10ta g'alaba, 6ta mag'lubiyat va 2ta durangga ega edi. Rahmonov esa bugun faoliyatidagi sakkizinchi jangini o'tkazib, ettinchi g'alabasiga erishdi. Uning hisobida bitta durang bor. Uchta jangda raqiblarini muddatidan avval mag'lubiyatga uchratgan.

Aslida Sanjar bugun Endryu Tabitiga qarshi ringga chiqishi lozim edi. Lekin Endryu o'z rejalariga o'zgartirish kiritgani sabab raqib o'zgartirilgandi.