Saudiya Arabistoni klublari Levandovskini sotib olmoqchi

"Mundo Deportivo" xabariga ko'ra, Saudiya Arabistonining bir qancha klublari "Barselona" bilan shartnomasi 2026 yilning yoziga qadar mo'ljallangan 36 yoshli futbolchi atrofidagi vaziyatni kuzatib bormoqda. Levandovskining o'zi hozircha Kataloniya klubini tark etishni istamayapti, biroq "ko'k-anorranglilar" xo'jayinlari yaxshi taklif tushgan taqdirda forvard bilan xayrlashishga tayyor. Ayni damda mutaxassislar transfer qiymatini 12 million evroga baholamoqda.

Eslatib o'tamiz, Robert Levandovski o'tgan mavsum "Barselona" tarkibida Ispaniya chempionatida 34 o'yinda maydonga tushib, 27 ta gol urgan va 2 ta golga assistentlik qilgan.