Senegal futbol federaciyasi Afrika kubogi finalidagi qarorni CASga olib chiqadi

Senegal futbol federaciyasi Afrika futbol konfederaciyasi — CAF tomonidan 2026 yilgi Afrika millatlar kubogi finalida Marokashga qarshi o'yin uchun terma jamoaga texnik mag'lubiyat yozilgan qaror ustidan CAS — Lozannadagi Sport arbitraj sudiga shikoyat kiritadi. Bu haqda federaciya matbuot xizmati malum qildi.

Avvalroq CAF senegalliklarga final uchrashuvda texnik mag'lubiyat berilgani va musobaqa g'olibi sifatida Marokash terma jamoasi elon qilingani haqida xabar bergan edi. Uchrashuv natijasi Senegal futbolchilari maydonni 10 daqiqadan ortiq vaqtga tark etgani sabab bekor qilingan.

"Senegal futbol federaciyasi CAF apellyaciya qo'mitasi qarori haqidagi bildirishnomani qabul qildi. Federaciya mazkur adolatsiz, misli ko'rilmagan va qabul qilib bo'lmaydigan qarorni qoralaydi, bu esa afrika futboli nufuziga putur etkazadi, — deyiladi bayonotda. Senegal futboli manfaatlarini himoya qilish maqsadida federaciya qisqa muddat ichida Lozannadagi Sport arbitraj sudiga murojaat qilish tartibini boshlaydi. Federaciya halollik va sport adolati tamoyillariga sodiqligini yana bir bor tasdiqlaydi hamda keyingi harakatlar haqida jamoatchilikni xabardor qilib boradi".

Ikkinchi bo'limga qo'shib berilgan vaqtda videotakror (VAR) orqali senegalliklar urgan gol bekor qilindi. SHundan so'ng yana videotakrordan keyin Senegal darvozasiga penalti belgilandi. Bosh murabbiy Pap Tyav norozilik sifatida jamoani maydondan olib chiqib ketdi. Oradan 15 daqiqa o'tgach, senegalliklar maydonga qaytishdi va darvozabon Eduar Mendi Braim Diasning 11 metrli jarima zarbasini qaytardi. Asosiy vaqt 0:0 hisobida yakunlandi. Qo'shimcha vaqtda esa yagona golga Pap Geye mualliflik qildi.