Sergey Fomin Antaliyadagi M25 turniri finaliga yo'l oldi

Turnirda O'zbekistonning ikkinchi raqamli raketka ustasi Sergey Fomin ham ishtirok etmoqda. U bugun musobaqaning yarim finalida kortga chiqdi. Ushbu bosqichda hamyurtimizga chexiyalik Martin Krumich raqib bo'ldi. 

3 soat 22 daqiqa davom etgan o'yinda tennischimiz 6:3, 6:7, 7:5 hisoblarida g'alaba qozondi va finalga yo'l oldi. Taqqoslash uchun Fomin ayni paytda dunyo reytingida 555, Krumich esa 509-o'rinni egallab turibdi.

Endi Fomin ertaga finalda ukrainalik Aleksandr Krutixga qarshi kortga chiqadi. Tennischimizning ertangi raqibi 535-pog'onani band etgan. 

Malumot uchun, ushbu muvaffaqiyat orqali Fominning g'alabali seriyasi 9 ta o'yinga etdi.