Sergey Fomin reytingda o'zidan ancha yuqoridagi raqibni taslim etdi

Musobaqada hamyurtimiz Sergey Fomin ham ishtirokini boshladi. Mamlakatimizning ikkinchi raketkasi ilk davrada rossiyalik Iliya Simakinga qarshi kortga chiqdi. Ikki soatu 44 daqiqa davom etgan 1/16 final bahsida Fomin turnirning sakkizinchi raketkasini 7/6(4), 4/6, 6/3 hisobida mag'lubiyatga uchratdi. 

Taqqoslash uchun, Simakin ATP reytingida 359, Fomin esa 532-o'rinni egallab turibdi. Bu tennischilarning o'zaro ikkinchi uchrashuvi bo'ldi. Sergey kechagi g'alabasi bilan o'rtadagi muvozanatni ham tiklab qo'ydi. Bugun Fomin 1/8 finalda britaniyalik Ryan Penistonga qarshi kortga chiqadi.