28 okt 10:02
Yangiliklar

Tennis

Sergey Fomin Tunis turniri 1/4 finalida

Teglar : Sergey Fomin

Tunisning Monastir shahrida tennis bo'yicha ITF 25 turniri davom etmoqda.

Ushbu musobaqada mamlakatimizning birinchi raketkasi Sergey Fomin ham muvaffaqiyatli ishtirok etyapti. Hamyurtimiz ilk davrada italiyalik Lorenco Lorussodan 6:2, 6:1 hisobida ustun kelgandi.

Kecha tennischimiz ikkinchi bosqich bahsida britaniyalik Feliks Gillga qarshi kortga chiqdi. Birinchi set tay-brekda 7/6(2) hisobi bilan Fomin foydasiga hal bo'ldi. Ikkinchi setda 0/1 hisobida mag'lub bo'layotgan Feliks bahsni davom ettira olmasligini bildirdi.

SHu tariqa, Sergey Fomin chorak final yo'llanmasini qo'lga kiritdi. Turnirda oltinchi raqam ostida tasniflangan yurtdoshimiz bugun yarim final chiptasi uchun franciyalik Ugo Blanshega qarshi bahs olib boradi.