25 avg 06:06
Yangiliklar
Boks/MMA
SHahram G'iyosovning sobiq jahon chempioniga qarshi jangida bittagina zarba berildi
Havaskor boksda jahon chempioni, Olimpiya o'yinlari finalchisi, bugungi kunda professional boksda faoliyat olib borayotgan SHahram G'iyosov biroz avval Meksikada navbatdagi jangini o'tkazdi.
"Centro de Usos Multiples" arenasida tashkil etilgan jangda bokschimizga kolumbiyalik Darleys Peres raqiblik qildi. 10 raundga mo'ljallangan jang 30 soniyaga ham etib bormadi. SHahram birinchi aniq va kuchli zarbasidayoq sobiq jahon chempionini texnik nokautga uchratdi. Bu bilan G'iyosov chempionlik kamarini o'zida saqlab qoldi.
Eslatib o'tamiz, SHahram shu kungacha prof boksda 9 ta jang o'tkazgan va ularning barchasida g'alaba qozongandi (7 ta nokaut). Sobiq jahon chempioni Peres esa proffessional ringda 41 marotaba jang qilgan. Ularning 34 tasida g'alaba qozongan (22 ta nokaut). Bugun beshinchi mag'lubiyatini qabul qilib oldi (4 ta nokaut). Ikki jang durang natija bilan yakunlangandi.
Havola :
Manba : olamsport.com
Fikrlar