SHpaga yo'nalishida Buxoro jamoasi g'olib bo'ldi

Musobaqaning yakkalik bahslarida mamlakatimizning turli hududlaridan kelgan 100 nafarga yaqin qilichbozlar orasida Ozoda Usmonjonova hamda Vadim Banautdinov barcha raqiblarini engib, shohsupaning eng yuqori pog'onasidan joy oldi. 

O'zbekiston kubogining kumush medali esa Ozodbek Zaynobiddinov va Zarina Hamroboevaga nasib qilgan bo'lsa, Ulzoda Jumanazarova Asal Toshmuhammedova, Asilbek Ibodulloev va Firdavs Suyundiqov bronza medali bilan taqdirlandi.

O'g'il bolalar o'rtasida o'tgan jamoaviy bellashuvlarda Buxoro 1 jamoasi O'zbekiston kubogi g'olibiga aylandi. 

SHu tariqa, qilichbozlik bo'yicha kadetlar o'rtasida o'tkazilgan O'zbekiston kubogi yakunlandi. Musobaqa davomida qilichbozlikning sablya, rapira va shpaga yo'nalishi bo'yicha muvaffaqiyatga erishgan sportchilar o'z yosh toifalarida terma jamoa safida mahoratlarini oshirish huquqini qo'lga kiritdi.