19 mar 09:07
Yangiliklar

Tennis

Sobolenko Top-10`da 200, Alkaraz esa 100-haftani o'tkazyapti

Belaruslik tennis malikasi Arina Sobolenko hamda ispaniyalik raketka ustasi Karlos Alkaraz o'ziga xos rekord qayd etishdi.

Dunyoning ikkinchi raketkalari Top-10 reytingida uzoq muddat turish bo'yicha ajoyib natijaga erishishdi. Sobolenko kuchli o'ntalik reytingida 200-haftani o'tkazmoqda. U Top-10`da 2019 yilning yanvar oyida debyut qilgandi. U 87 hafta davomida Top-2, 8 hafta esa peshqadam maqomida bo'lgan.

Karlos Alkaraz esa Top-10 reytingidagi roppa-rosa 100-haftasini o'tkazyapti. Ispaniyalik iqtidor egasi ilk bor 2022 yilning aprel oyida Top-10 reytingiga kirgan edi. U 80 hafta davomida Top-2, 36 hafta esa dunyoning birinchi raketkasi bo'ldi.