11 jan 07:24
Yangiliklar

Tadbirlar

Sog'lom ishchining mehnat unumdorligi oshadi

O'zbekiston Respublikasi Prezidentining Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risidagi Farmonida ko'rsatilgan vazifalar hayotga bosqichma-bosqich tatbiq etilmoqda.

Xususan, Farmonda mehnat jamoalarida faoliyat yuritayotgan rahbar va xodimlarning jismoniy tarbiya va sport mashg'ulotlari bilan ish vaqtidan so'ng, haftada kamida bir marotaba yugurish, stritbol, futbol, badminton, voleybol, basketbol, stol tennisi, suzish va boshqa sport turlari bilan shug'ullanishi lozimligi ko'rsatib o'tilgan.

Toshkent shahar Uchtepa tumanida ham bu borada tizimli ishlar yo'lga qo'yilgan bo'lib, kuni kecha tuman hokimligida faoliyat yuritayotgan xodimlar o'rtasida badantarbiya mashqlari hamda sportning bir nechta turlari bo'yicha musobaqalar tashkil etildi.

Bu bejiz emas, zero sport bilan muntazam shug'ullanib keladigan, sog'lom ishchining mehnat samaradorligi ham yuqori bo'ladi.