Sohil voleyboli: hamyurtlarimiz Qozog'istonda oltin va kumush medalga sazovor bo'lishdi

Unda O'zbekiston, Qirg'iziston hamda Qozog'istonning turli hududlaridan jami 63ta jamoa erkaklar, ayollar hamda mikst yo'nalishida o'tkazilgan musobaqalarda g'oliblik uchun bahs olib borishdi. 

Takidlash joiz, qozog'istonlik taniqli shoir, yozuvchi, adabiyotshunos, davlat va jamoat arbobi Oljas Suleymanov tavalludining 85 yilligiga bag'ishlab o'tkazilgan ushbu xalqaro turnir mamlakatimiz sohil voleybolchilari uchun xalqaro maydondagi ilk musobaqa sifatida tarixga kirdi va quvonarlisi, vakillarimizning debyuti muvaffaqiyatli chiqdi.

Ushbu xalqaro turnir uchta yo'nalishda, yani 2x2 (erkaklar va ayollar), 4x4 (erkaklar va ayollar) hamda faxriylar (+40 yosh va +50 yosh) o'rtasida tashkil etildi.

2x2 yo'nalishida vatanimiz sharafini himoya qilgan jamoalarning omadi chopmagan bo'lsa, 4x4 yo'nalishidagi musobaqalarda ishtirok etgan jamoamiz yakunda bosh sovrinni qo'lga kiritdi.

SHuningdek, kecha faxriylar o'rtasida ham musobaqa tashkil etildi. Unda O'zbekiston terma jamoasi azolari faxrli 2-o'rinni qo'lga kiritdi.

Biz ushbu g'alaba bilan vakillarimizni tabriklaymiz.