08 mar 14:37
Yangiliklar
Voleybol
Sport talim muassasalarida mehnat qilayotgan ayollar o'rtasida musobaqa o'tkazildi
Navoiy shahrida 8 mart Xalqaro xotin-qizlar kuni munosabati bilan sport talim muassasalarida o'z faoliyatini olib borayotgan xotin-qizlar o'rtasida voleybol bo'yicha “Viloyat jismoniy tarbiya va sport boshqarmasi boshlig'i sovrini” uchun musobaqa tashkillashtirildi.
Ushbu turnirda Navoiy viloyati jismoniy tarbiya va sport boshqarmasi tizimidagi jami 16 ta sport talim muassasasidan 160 nafardan ortiq ishtirokchilar Navoiy ixtisoslashtirilgan Olimpiya zaxiralari maktab-internati voleybol zalida jam bo'lishdi.
Faol kechgan musobaqa bahslari yakuniga ko'ra, 1-o'rin Navoiy ixtisoslashtirilgan Olimpiya zaxiralari maktab-internati jamoasiga nasib etdi. 2-o'rinni Navoiy sportning o'yin turlari va engil atletikaga IBO'SM jamoasi qo'lga kiritgan bo'lsa, Qiziltepa tuman BO'SM jamoasi 3-o'rin sohibi bo'lishdi.
Musobaqaning g'olib va sovrindorlari Navoiy viloyati jismoniy tarbiya va sport boshqarmasi boshlig'i tomonidan diplom hamda esdalik sovg'alari bilan taqdirlandi.
Havola :
Manba : minsport.uz
Fikrlar