Sport va turizm. Qashqadaryolik yosh futbolchilar Samarqanddagi tarixiy obidalarni ziyorat qilishdi

Bu borada bolalar va o'smirlar o'rtasida ham  qiziqishlarini orttirishdan maqsad -  boy madaniy merosimizni o'rganishi, o'tmish tariximizni bilishi  ularning vatanparvarlik ruhida tarbiyalashga xizmat qiladi.

Ushbu jarayonlarda keyingi yillarda sport jamoatchiligining  ham faolligini ko'rish mumkin. Jumladan, yaqinda Qashqadaryo viloyat futbol mahorati maktabining 2004 yilda tug'ilgan sportchi-o'quvchilari  Samarqand shahridagi madaniy merosmiz bo'lgan qadimiy obidalar, boy tarixga ega diqqatga sazovor joylariga sayohat uyushtirishdi. Yosh futbolchilar dastlab birinchi Prezidentimiz Islom Karimovning qabirini ziyorat qilishib, uning xotirasiga hurmat bajo keltirishdan boshlashdi.

SHundan so'ng o'quvchilar xalqimiz tomonidan asrlar davomida ezozlanib kelinayotgan arxeologik yodgorliklar va memoriy obidalar bilan tanishishdi. O'zining boy tarixi va madaniy merosiga ega bo'lgan Samarqand shahriga qilingan sayohat qashqadarayolik yosh futbolchilarning xotirasida muhrlangani ayni haqiqat.

Ilhom RAHMONOV tayyorladi