Superog'ir vaznda sobiq jahon chempioni yangi promouterga ega bo'ldi

Ushbu kompaniya britaniyalik taniqli promouter Eddi Xirnga tegishli. Yangi Zelandiya bokschisining shartnomasi uchta jangni o'z ichiga oladi. 

"Mening Duco Events promouterlik kompaniyasi bilan olti yillik hamkorligim 26 mart kuni yakuniga etgandi. Erkin agentga aylanganimdan so'ng jamoam bilan uzoq o'yladik va yakunda Eddi Xirn variantida to'xtatdik. 

O'ylaymanki, ushbu kompaniya bilan hamkorlikning mevasi sifatida avvaliga chempionlik kamarlaridan birini qo'lga kiritaman. Keyin esa mutloq jahon chempioniga aylaman", - dedi Parker.

Malumot uchun, Parkerga afsonaviy Bob Arumga tegishli Top Rank promouterlik kompaniyasi ham taklif bilan chiqqan edi. Matchroom Boxing bilan hamkorlik doirasidagi ilk jang 29 iyun kuni AQSHning Rod-Aylend shtatida Erik Molinaga qarshi blho'lib o'tadi.